Psikoterapia psikoanalitikoan aditua

Psikoterapiaren eremua hazten ari da, dibertsifikatzen ari da eta osasun mentaleko zerbitzuetan garrantzi handiagoa hartzen ari da.

* Harremana hobetzea prozesu terapeutikoan

Edozein eskola eta metodo erabiltzen dela ere, profesionalaren eta erabiltzailearen artean sortzen den harremana funtsezko tresna da tratamendua ondo garatzeko. Psikoanalisiak elementu teoriko eta metodologikoak ematen ditu, harreman terapeutikoan gertatzen diren mugimenduak identifikatu eta kudeatzeko. Transferentzia eta kontratransferentzia, aldaketa eta aldaketarekiko erresistentzia bezalako kontzeptuak, besteak beste, oso erabilgarriak dira edozein psikoterapia ondo garatzeko.

* Autozainketa profesionalerako tresna

Ikastaro honek arreta berezia jartzen du psikoterapian aritzen den profesionalak bere burua zaintzeko tresnak izan ditzan, bere inplikazio emozionalaren maila doitzeko eta higadura pertsonala saihesteko.

*Metodologia praktikoa eta bizipenekoa

Psikodramaren eta soziodramaren diziplina beteranoek eskaintzen dituzten teknika aktiboen baliabide indartsua oinarri hartuta, ikastaroak edozein prozesu psikoterapeutikotan aplika daitekeen lan-metodologia garatzen du, bai bakarka, bikoteka, familian edo taldean.

Ikuspegi praktiko eta bizipenezkoarekin, pertsonaren garapen emozionalaren alderdi biologiko, psikologiko eta sozialak integratzen dituen esku-hartzeko proposamena egituratzen da. Horretarako, proposatutako metodoa teoria psikoanalitikoaren berrirakurketa eta eguneratze kritikoan oinarritzen da, pertsonen, gizartearen eta kulturaren ikuspegitik.

Diziplina horiek eraldatzeko ahalmen handia dutenez, prestakuntza hau prozesu, bizia, neketsua eta, aldi berean, zirraragarria bizi nahi duten pertsona guztiei zuzenduta dago.

Gurekin zatoz?