Menopausiaz hitz egin dezagun

Menopausia oso etapa garrantzitsua da emakumeen bizitzan, baina, askotan, aldaketa fisikoetatik baino ez da lantzen (beroaldiak, insomnioa…).

Hala ere, seguru denboraldi honetan aldaketak sentitu dituzula zure aldartean, zure autoestimua eta harremanak aldatu egin direla; zeure burua ikusteko modua ere aldatu egin da. Tertulia honetan, hain zuzen ere, menopausiak gure osasun emozionalari nola eragiten dion jarriko dugu fokua.

Gure lankide Arantza Gomez psikologoak gakoren bat emango digu etapa honetan nola sentitzen garen hobeto ulertzeko eta modu osasungarriagoan ibiltzeko.

Talde-gune ireki, hurbil eta parte-hartzaile honetara gonbidatzen zaitugu. Bertan, zalantzak partekatu, hausnartu eta argitu ahal izango dituzu, konfiantzazko ingurune batean.

Zure zain gaude!