Osasuna, elkarbizitza eta auzo sentimendua
Gizarte gero eta azeleratu eta indibidualizatuago batean, jarduera fisiko komunitarioek balio jakin bat hartzen dute, ariketa fisikoa baino askoz gehiago. Gure auzokideekin batera oinez ibiltzeak eta kirol-jarduera batean parte hartzeak, osasun fisikoa hobetzen laguntzeaz gain, gizarte-loturak sendotzen ditu, bizikidetza sustatzen du eta komunitate bateko kide izatearen sentimendua indartzen du.
Jarduera fisikoa erregulartasunez egitea da gaixotasunak prebenitzeko, bizi-kalitatea hobetzeko eta ongizate emozionala sustatzeko tresnarik eraginkorrenetako bat. Hala ere, jarduera hori modu kolektiboan garatzen denean, etekinak biderkatu egiten dira. Ibilbide, elkarrizketa edo ahalegin komun bat partekatzeak adin, esperientzia eta errealitate ezberdinetako pertsonen arteko topaguneak sortzen ditu, auzo kohesionatuagoak, aktiboagoak eta osasuntsuagoak eraikitzen lagunduz.
Komunitatearekiko konpromisoa
Filosofia horrekin sortu zen Ediren Herri Martxa, Juan Luis Zunzuneguiren omenez; urtero antolatzen dugun ekimena da, bizi-ohitura osasungarriak sustatzeko eta, aldi berean, komunitate bat indartsu egiten duten printzipioei balioa emateko: elkartasuna, parte-hartzea eta inguruarekiko konpromisoa
Martxa kirol jarduera baino askoz gehiago bihurtu da urteen poderioz. Auzotarren topaketarako jardunaldia da, non familiek, gazteek, adinekoek eta elkarteek espazio komun bat partekatzen duten, auzoa elkarbizitzarako eta elkar laguntzeko leku bat dela erakutsiz. Ekimen horren bidez, Juan Luis Zunzunegui gogorarazi nahi dugu. Hark zioenez, “elikadura osasungarria eta ariketa fisikoa sendagairik onenak dira”, eta, hala, bizirik mantentzen du haren ondarea. Zunzunegui era un gran defensor de la actividad física, adaptada y personalizada a cada individuo, independientemente de sus limitaciones o sus determinantes.
Eguzkialdea Osasun Sarea
Horrelako ekitaldiek herritarren parte-hartzea bultzatzen dute, eta identitate kolektiboa indartzen dute. Martxan zehar ematen dugun urrats bakoitzak, komunitate bezala elkarrekin egiten dugun bidea ere sinbolizatzen du: errespetuan, lankidetzan eta osasunaren zaintzan oinarritutako bidea.
Zentzu horretan, Ediren Herri Martxa baliatzen dugu Eguzkialdea Osasun Sarea ere indartzeko, gure kooperatiba duela urte batzuetatik kide duena eta osasun-eragile guztiek osatzen dutena (gizarte-etxea, BIZAN, Parrokia, elkarteak, boluntarioak, etab.) judimendi, Babesgabe eta Aranako pertsonen osasun-zaintzak indartzeko lan egiten dutela egunero, batez ere adinekoenak.
Jarduera fisikoa, gizartea eraldatzeko tresna
Ediren-en uste sendoa dugu gizarte osasuntsuago bat eraikitzeko pertsonak batuko dituzten jarduerak bultzatu behar direla. Juan Luis Zunzunegui Herri Martxak kirola eta jarduera fisikoa gizartea eraldatzeko tresna bihurtu daitezkeela erakusten du, norbanakoaren eta taldearen ongizatea sortzeko gai direnak.
Hori dela eta, herritar guztiak animatu nahi ditugu ekainaren 13ko goiza gurekin partekatzera. Ibilaldia jende guztiarentzat pentsatuta dago eta 6 kilometro ibiltzean datza, Judimendiko Parketik Salburuaraino. Goizeko 11etan hasten da, Judimendi Ikastetxearen ondoan. Bertan beroketa batekin hasiko gara eta ondoren Salburuako Parkera joango gara.
Bertan, Ediren-eko hainbat kide zain izango ditugu hornidura osasuntsu batekin (fruta brotxeta batzuk eta ur botilatxo bat), jolas batzuekin jarraitu ahal izateko eta Salburuako Parkean zehar ibilbide txiki bat egin ahal izateko, berriz ere auzora itzultzeko.
Parte-hartzaileentzako opariak egongo dira, eta beste sorpresa asko. Izena emateko epea irekita dago ekainaren 12ra arte, gure kooperatibak Errekatxiki 4an dituen lokaletan, 8:30etatik 20:30etara. Zuen zain gaude!
Leire Corres, fisioterapeuta.
Utzi zure iruzkina